Sjpelersgroep

Geer Evers

Mien femilie zieët altied “gae speeltj eur hieël laeve al tonieël” dus bèn ich mer bie de tonieëlvereniging gegaon. De leukste rol die ich toet noe toe höb gespeeltj is verpleger in “Ein gekkehoes in ’t ziekehoes"

Toos Peskens

Nao de musical bèn ich bie de toneelclub gebleve. ’t Is eine leuke, hechte groep woeëdoeër desse mèt plezeer nao de repetities kums. ’t Is ein oetdaging óm eder jaor weer ein leuk, anger typetje nieër te zètte. Wie wiejer de repetities vordere, wie baeter de rol bie dich geit passe. In 2006 höbbe wae “Vraemdje veugel” gespeeldj en doeër de rol die ich dao in sjpeeldje bèn ich gevraogdj óm mèt te sjpele in ‘t dramasjtök “Boerenerfgoed” ’t waas ein hieël sjoeën ervaring mer toch sjpeel ich lever in ein bliesjpel.

Maurice Franssen

Ich bèn lang geleje bie de toneelvereniging begósj as invaller. ’t Leek mich toen hieël lestig mer doeër de jaore haer gruudj se van zelf in de rolle die desse sjpeels. Tonieël sjpele is oetgegruujdj toet ein van mien groeëtste hobby’s. Dit ouch doeër de hechte groep dae Kiek Mer is en ich hoeëp ’t den ouch nog hieël lang te moge doon. ’t Leefste sjpeel ich de speciale typetjes en mien sjoeënste rolle die ich gesjpeeltj höb zeen die van homofiele couturier en zate zwerver.

Chris Verstappen

Nao ‘t sjpele vanne musical bèn ich believe “hange”. Tonieëlsjpele is sjoeën, dich kins ins gans emes angers zeen in dien rol. De leukste rol die ich toet noe toe höb gesjpeeldj is die van zuster Bep in “Ein gekkehoes in ’t ziekehoes” Kiek Mer is eine leuke, gezellige groep dae eder jaor hieël hel wirktj óm d’r same mèt ederein, de minse vuuer mer vuueral ouch degene achter de sjerme, weer get sjoeëns van te make. Ich hoeëp det wae det nog hieël get jaore moge blieve doon.

Linny Henderickx

Ich bèn Linny, al lid vanne tonieëlvereniging vanaaf ’t begin. Ouch ich höb mètgesjpeeldj inne musical woeënao wae mèt eine enthousiaste groep wiejer zeen gegaon. Binne de tonieëlvereniging spriktj mich ’t geveul van same ein sjtök oppe plenk te bringe ’t meiste aan. Wae höbbe edere kieër väöl plezeer oppe repetities en tiedens de oetveuringe en det motiveertj óm sjteeds weer doeër te gaon

Joost Raemakers

Ich ging al ein paar jaor kieke nao de oetveuringe van Kiek Mer en ich vónj ’t altied leuke sjtökke. Mer óm zelf get te gaon doon binne dees vreneging, dao haaj ich eigelik noeëts uuever naogedachtj. In 2012 waerdje ich gevraogdj doeër Maurice en toen ging ich d’r eigelik pas uuever naodinke. Ich höb in ’t verlede waal ins get aan tonieël gedaon (bóntje aovendj) mer nog noeëts op zón groeëte sjaol.  Nao de vuuersjtèlling in 2013 waerdje ich weer doeër Maurice benaderdj.  En dit kieër hoofdje ich neet lang nao te dinke en goof ich eigelik geliek mien jao-woeërd. Later höb ich waal nog ins gedach Joost, woeë beginse aan. Wae zeen noe ein aantal maondje aan ’t oefene en ’t waerdj steeds leuker. ’t Leuke aan tonieëlspele is desse lekker diene gang kins gaon oppe bühn, lekker gek doon en ’t publiek vermake. Ich hoeëp det ich oeëts zoeë good waer wie mien opa, Lei Beurskens. Dae speeldje vreuger bie de tonieëlvreneging in Grathem, genaamdj “Genesius” .

Mien Hermans

Ich bèn Mien Hermans, geboeëre en getoge in Neiwieërt. Ouch ich höb mètgespeeldj inne musical waat ein erg leuke ervaring waas en bèn vanaaf de oprichting bie de toneelclub. Wae zeen mèt eine erg leuke groep en wae gaon d’r eder jaor weer vuuer mèt z’n alle. Miene vuuerkeur geit meistal oet nao ein klein rol, mer óm d’r ein sjoeën gehieël van te make huuere die d’r ouch bie. Ein van mien leukste rollen waas in De Richel. Ich haaj geine tekst mer mós doeër miene mimiek en manere ein bepaoldj persoeën nieërzètte. Ouch dit jaor höbbe wae weer ein erg leuk sjtök, ich zooj zègke waat hèltj uch tieëge, kóm kieke!

Resi Koninkx

Net wie de meiste sjpelers bèn ich ouch begós mèt de musical “Paniek in het paleis”. Dit waas erg leuk óm te doon al waas mien zangtalent neet zoeë geweldjig. Wie ein paar sjpelers same mèt Jos Custers ’t initiatief nome óm ein toneelvereniging op te richte höb ich mich geliek aangemeldj. Ich höb de aafgeloupe jaore versjillendje rolle gesjpeeldj van ein hieël deftige dame tot en mèt eine gijzelnemer, complieët mèt panty uuever de kop. Kiek Mer beteikentj vuuer mich van september toet mieërt edere dinsdigaovendj óntsjpanning en vuueral väöl lol. In de lèste waeke vuuer de oetveuring get extra wèrk en ein portie gezónj sjpanning en tiedes de oetveuringe ontzettend väöl plezeer.

Frank Custers

Ich höb jaore lang gevoetbaldj, det waas echt mien passie. Wie det op ein gegaeve moment weg veel, bèn ich begós aan mien volgendje passie... tonieëlsjpele. Ich kreeg de kans óm bie Kiek Mer te gaon sjpele en die höb ich mèt twieë henj aangegrepe. Sins 2016 bèn ich bie de vereniging en mien rolle waere sjteeds groeëter. Ich zeen eder waek oet nao de repetities en natuurlijk de oetveuringe. Mien vrouw zieët al, dao haat se get mèt mótte doon, det is dich op 't lief gesjreve. Ich doon ouch al jaore mèt aan de Bóntje Aovendj, de clown oethange en in de spotlights sjtaon, det vinj ich sjoeën.

 

Bram Ramakers